HUULICH.ORG

Үйлчилгээний нөхцөл

Шинэчилсэн: 2026 оны 8 дугаар сарын 8

1. Үйлчилгээний зориулалт

HUULICH.ORG нь хуульчийн мэргэжлийн шалгалтад бэлтгэх зориулалттай онлайн тестийн үйлчилгээ. Системийн тест, тайлбар, эрх зүйн үндэслэл нь сургалт, давтлагын зориулалттай бөгөөд албан ёсны шалгалтын байгууллагын шийдвэр, хууль зүйн зөвлөгөөг орлохгүй.

2. Нэвтрэх ба хэрэглэгчийн бүртгэл

Төлбөртэй санг ашиглахын тулд хэрэглэгч Google Account-аар нэвтэрнэ. Хэрэглэгч өөрийн бүртгэл, төхөөрөмж болон нэвтрэх эрхээ бусдад дамжуулахгүй байх үүрэгтэй. Энгийн хэрэглэгчийн бүртгэлд системийн аюулгүй байдлын төхөөрөмж, session-ийн хязгаарлалт үйлчилж болно.

3. Төлбөртэй багц

• 2025 оны багц: 39,000 төгрөг, эрх нээгдсэн өдрөөс 30 хоног.
• 2026 оны багц: 79,000 төгрөг, эх материал бэлэн болж худалдаанд нээгдсэн үед 30 хоног.
• Төлбөрийн хүсэлтэд системээс үүсгэсэн гүйлгээний утгыг өөрчлөлтгүй ашиглана.
• Банкны орлогыг админ тулган баталгаажуулсны дараа эрх идэвхжинэ.

4. Үйлчилгээ цуцлах ба буцаан олголт

Идэвхтэй төлбөртэй үйлчилгээний хэрэглэгч “Миний эрх” хэсгээс цуцлах хүсэлт гаргаж болно. Буцаан олголтын тооцоонд ашигласан хоногийг бүтэн хоногоор тооцож, төлсөн үнийг 30 хоногт пропорциональ хуваан ашигласан хугацааны төлбөрийг суутгана. Үүн дээр банкны шилжүүлгийн 500 төгрөгийн хураамж суутгагдана. Буцаан олголт 0 төгрөгөөс бага байхгүй. Хэрэглэгч буцаалт авах банк болон Монгол Улсын IBAN дансны мэдээллийг зөв оруулах үүрэгтэй.

5. Тестийн сангийн төлөв

Сан бүрийн эх сурвалжийн хариулт болон эрх зүйн тулган баталгаажуулалтын төлөв тусдаа харагдана. “Баталгаажуулаагүй” гэж тэмдэглэсэн сангийн хариулт нь эх материалд тулгуурласан боловч эрх зүйн давхар тулгалт хийгдээгүй байж болно.

6. Хориотой хэрэглээ

Системийн хамгаалалтыг тойрох, автоматжуулсан байдлаар их хэмжээний хүсэлт илгээх, тестийн санг бүхэлд нь хуулбарлах, дахин түгээх, худалдах, бусдын эрхийг ашиглахыг хориглоно.

7. Үйлчилгээний тасалдал

Техникийн засвар, гуравдагч талын үйлчилгээний доголдол, сүлжээний асуудлаас шалтгаалан үйлчилгээ түр тасалдаж болно. Систем боломжит хэмжээнд хэрэглэгчийн идэвхтэй шалгалтын хариултыг автоматаар хадгална.

8. Холбоо барих

Үйлчилгээ, төлбөр, эрхийн асуудлаар 60055557 дугаараар холбогдоно.