HUULICH.ORG

Нууцлалын бодлого

Шинэчилсэн: 2026 оны 8 дугаар сарын 8

1. Цуглуулах мэдээлэл

Google Account-аар нэвтрэх үед Google-ээс баталгаажсан и-мэйл хаяг, нэр, профайл зураг болон хэрэглэгчийг ялган таних техникийн идентификатор авч ашиглана. Мөн үйлчилгээний аюулгүй ажиллагааны хүрээнд төхөөрөмжийн төрөл, browser-ийн user-agent, session болон төхөөрөмжийн токены хэш, нэвтрэх болон аюулгүй байдлын үйл явдлын бүртгэлийг хадгалж болно.

2. Төлбөр ба үйлчилгээний мэдээлэл

Төлбөрийн хүсэлт, багцын төрөл, дүн, гүйлгээний утга, эрхийн эхлэх ба дуусах хугацаа, цуцлалт болон буцаан олголтын төлөвийг хадгална. Буцаан олголт хүсэх үед хэрэглэгчийн оруулсан банкны нэр болон IBAN дансны мэдээллийг тухайн буцаалтын ажиллагаанд ашиглана.

3. Тестийн хэрэглээний мэдээлэл

Шалгалтын оролдлого, эхэлсэн хугацаа, сонгосон хариулт, үр дүн, ашигласан session болон төхөөрөмжтэй холбоотой техникийн мэдээллийг системийн ажиллагаа, хэрэглэгчийн үр дүн, аюулгүй байдлыг хангах зорилгоор боловсруулна.

4. Мэдээллийг ашиглах зорилго

• хэрэглэгчийг баталгаажуулах, нэвтрэх эрх олгох;
• төлбөртэй сангийн эрх нээх, хаах, төлбөр болон буцаан олголтыг удирдах;
• тестийн явц, үр дүнг хадгалах;
• зүй бус нэвтрэлт, эрх дамжуулалт болон автомат халдлагыг илрүүлэх, хязгаарлах;
• үйлчилгээний мэдэгдэл, төлбөрийн баталгаажуулалтын и-мэйл илгээх.

5. Гуравдагч талын үйлчилгээ

Нэвтрэлтэд Google Identity Services, хамгаалалт болон hosting-д Cloudflare-ийн үйлчилгээ ашиглаж болно. Эдгээр үйлчилгээний хүрээнд шаардлагатай техникийн өгөгдөл тухайн үйлчилгээ үзүүлэгчээр боловсруулагдаж болно.

6. Cookie ба session

Нэвтрэлтийн session болон төхөөрөмжийг таних зорилгоор Secure, HttpOnly cookie ашиглана. Эдгээр cookie нь нэвтрэх эрх, аюулгүй байдлын үндсэн ажиллагаанд шаардлагатай.

7. Хадгалалт ба хамгаалалт

Нууц үг хадгалахгүй. Google-ийн нэвтрэх токеныг сервер талд баталгаажуулж, систем өөрийн session үүсгэнэ. Session болон төхөөрөмжийн токеныг өгөгдлийн санд шууд утгаар бус хэш хэлбэрээр хадгална. Админ үйлдлүүд тусгай аудитын бүртгэлтэй.

8. Хэрэглэгчийн хүсэлт

Өөрийн үйлчилгээний эрх, төлбөр, буцаалтын мэдээллийг “Миний эрх” хэсгээс шалгаж болно. Хувийн мэдээлэлтэй холбоотой хүсэлт болон үйлчилгээний асуудлаар 60055557 дугаараар холбогдоно.